असलम भाँट

खजुरा गाउँपालिकामा लागु औषध को सेवन र बिक्रि बितरण खुले आम भै रहेको अवस्थामा ईलाका प्रहरी कार्यालय धनौली अहिले सक्रियता देखाएको छ ।

प्रहरी को सक्रियतामा गोदाहना गाउँ बाट लागु औषध सेवन कर्ता र बिक्रेता लाई ईलाका प्रहरी कार्यालय धनौलीले पक्राउ गरेको छ ।

ठुलो डिलर भएको ठाउँ को रुपमा परिचित उढरापुर प्रतिक्षालय देखि सप्लाई भएर बठवा गोदाहना सोनबर्षा रनियापुर सम्म बिक्रि भै रहेको ति तस्कर हरु तिर प्रहरीको ध्यान नगएको स्रोतले जनाएको छ । 

नेपालगन्ज गुलरिया राजापुर सम्म गुडने हाईस हरुलाई बाटामा रोकि रोकि लागु औषध बिक्रि भै रहेको स्थानिय हरु बताउछन । 

स्थानिय का अनुसार प्रहरीले देखावटी रुपमा सेवन कर्ता हरुलाई समात्ने ठुला लागु औषध ब्यापारी हरुलाई बेवास्ता गर्ने आरोप लगाएका छन । प्रहरी ले थप सक्रियता देखाउने हो भने ठुला लागु औषध ब्यापारी हरुलाई तत्काल पक्राउ गर्न सकिने स्थानिय बुद्विजिवी बताउछन । 

भारत को बोर्डर बलैगाउ मैनापोखर देखि भारत जाने सिमानाका बाट लागु औषध तस्करी भै रहदा ईलाका प्रहरी मैनापोखर को ध्यान गएको छैन ।  बर्दिया को शितला बजार नपुग्दै मुनाल बस्ती जाने बाटो को मोडमा रहेको प्रतिक्षालय देखि भारत छिर्ने बाटो हुदै दैनिक रुपमा लागु औषध ओसारपसार भै रहदा पनि प्रहरीको आँखामा नपर्नु प्रहरीको मिलोमतो वा लापरवाही  भन्न सकिन्छ ।